Ən çox qazanan futbolçular

Ən çox qazanan futbolçular

Ən çox qazanan futbolçuların siyahısı açıqlanıb. 2021/22 mövsümü ilə bağlı cədvəli “Forbes” nəşri hazırlayıb.

Siyahıda futbolçuların vergilər çıxılmadan ümumi gəliri əksini tapıb. “Mançester Yunayted”in portuqaliyalı ulduzu Kriştiano Ronaldo 1-ci yerdədir.

O, cari mövsümdə 125 milyon dollar qazanır. Bunun 70 milyonu maaşı, 55 milyonu reklam müqavilələrindən əldə olunan vəsaitdir.

Maaşı daha çox – 75 milyon olan Lionel Messi 2-cidir. Onun ümumi gəliri 110 milyon təşkil edir.

İlk “onluq”da PSJ-nin üç, “Mançester Yunayted”lə “Real”ın hərəsinin iki üzvü var. “Liverpul”, “Bavariya” və “Vissel Kobe” də siyahıda təmsil olunub.

1. Kriştiano Ronaldo (“Mançester Yunayted”) – 125 milyon dollar

2. Lionel Messi (PSJ) – 110 milyon dollar

3. Neymar (PSJ) – 95 milyon dollar

4. Kilian Mbappe (PSJ) – 43 milyon dollar

5. Məhəmməd Salah (“Liverpul”) – 41 milyon dollar

6. Robert Levandovski (“Bavariya”) – 35 milyon dollar

7. Andres İnyesta (“Vissel Kobe”) – 35 milyon dollar

8. Pol Poqba (“Mançester Yunayted”) – 34 milyon dollar

9. Qaret Beyl (“Real”) – 32 milyon dollar

10. Eden Azar (“Real”) – 29 milyon dollar